आगामी मार्च २७ तारिख आईतबारको दिन थकाली सेवा समिति दक्षिण कोरियाले थकाली जातिको महान् पर्व तोरन्ल्हको सुखद उपलक्ष्यमा बिबिध सांगितिक रमझमका साथ मिष्ठान्न थकाली परिकारहरु पस्कने भएको छ । आज आईतबार राजधानी सउलको छाविय चीवमा बसेको थसेस बैठकले थकाली जातिको महान् पर्व तोरन्ल्हमा बिशेष कार्यक्रम तय गर्ने गरि उक्त निर्णय गरेको हो । उक्त कार्यक्रममा स्थानिय चिरपरिचित कलाकारहरुका साथ थप मनोरन्जनपूर्ण बनाउन १ जना नेपालका ख्याति प्राप्त तथा चर्चित कलाकारलाई निम्त्याईने भएको छ । नेपालबाट निम्त्याईने कलाकारको लागि छनोट प्रकृयालाई अगाडी बढाईएकोले यसै हप्ता सम्मा निश्चित हुने र आगामी हप्ता देखि तोरन्ल्ह कार्यक्रम कार्यक्रमको तयारी गर्ने निर्णय भएको छ ।
